Կարևորում եմ, երբ գրողներն իրենց ժամանակաշրջանի խնդիրներն են վեր հանում՝ որպես հիմնավոր փաստեր հետագա սերունդների համար։ Այս մասին «Նյումեգ» հրատարակչության նախաձեռնած Գրքի ձմեռային փառատոնի բացման ժամանակ նշել է ՀՀ մարդու իրավունքների պաշտպան Արման Թաթոյանը։
Նա հիշեցրել է Ակսել Բակունցի զեկույցների օգտակարության մասին, որոնք վերաբերում են սահմանային վեճերին։ Գրողի զեկույցները ցույց են տալիս, թե ինչպես էին այն ժամանակ ադրբեջանական իշխանությունները սովորեցնում ծայրահեղականներին հարձակումներ գործել հայերի նկատմամբ, կազմակերպում էին բողոքներ հայ գյուղացիների դեմ, թույլ չէին տալիս, որ հայերն օգտագործեին արոտավայրերը և այլն։
Պաշտպանի կարծիքով՝ այս զեկույցների ուսումնասիրությունը կարևոր է, որպեսզի մենք դասեր քաղենք մեր սահմանային բնակիչների իրավունքների պաշտպանության համար։
English
