Մարդու
իրավունքների պաշտպան Անահիտ Մանասյանը «Լուրերի» եթերում անդրադարձել է ՀՀ մարդու
իրավունքների պաշտպանի գործունեության, մարդու իրավունքների և ազատությունների պաշտպանության
վիճակի մասին 2024 թվականի տարեկան հաղորդմանն ու Պաշտպանի՝ որպես կանխարգելման ազգային
մեխանիզմի 2024 թվականի գործունեության վերաբերյալ տարեկան զեկույցին:
Պաշտպանի
տարեկան հաղորդումն ամփոփում է
▪️ նախորդ
տարվա ընթացքում ՀՀ ՄԻՊ հաստատության գործունեության արդյունքները,
▪️ առանձին
ոլորտներում առկա գործնական և օրենսդրական խնդիրները,
▪️ դրանց
լուծմանն ուղղված Պաշտպանի առաջարկները:
Մասնավորապես,
2024 թվականի տարեկան հաղորդման շրջանակում վերլուծվել են սոցիալ-տնտեսական իրավունքների
ապահովման, քրեական արդարադատության ոլորտում իրավունքների պաշտպանության, խաղաղ հավաքների
ազատության, զինված ուժերում մարդու իրավունքների պաշտպանության, երեխայի իրավունքների
և նրա լավագույն շահի ապահովման, հաշմանդամություն ունեցող անձանց, տարեցների իրավունքների
պաշտպանության, Լեռնային Ղարաբաղից բռնի տեղահանված անձանց իրավունքների պաշտպանության,
ազգային փոքրամասնությունների իրավունքների, իրավահավասարության և խտրականության արգելքի,
ինչպես նաև մի շարք համակարգային բնույթի հարցեր։
Կանխարգելման
ազգային մեխանիզմի տարեկան զեկույցում մանրամասն ուսումնասիրվել են
▪️ հոգեբուժական
կազմակերպություններում հոգեկան առողջության խնդիրներ ունեցող անձանց,
▪️ՀՀ
արդարադատության նախարարության քրեակատարողական հիմնարկներում և ՀՀ ներքին գործերի
նախարարության ոստիկանության ստորաբաժանումներում ձերբակալված անձանց պահման վայրերում
ազատությունից զրկված անձանց իրավունքների ապահովման վիճակը։
Վերլուծության
են ենթարկվել նաև դատարաններում ազատությունից զրկված անձանց ժամանակավոր պահման խցերի
պայմանները, ինչպես նաև նրանց տեղափոխման համար նախատեսված տրանսպորտային միջոցների
հարմարավետությունն ու փոխադրման ընթացքում բավարար պայմանների ապահովման հարցերը,
որոնց լուծման նպատակով ներկայացվել են առաջարկություններ։
English
