Ա. Սիմոնյանը 2021 թվականի
հունվարի 29-ին ՀՀ մարդու իրավունքների պաշտպանի աշխատակազմ մուտքագրված բողոքով տեղեկացրել
է, որ 2020 թվականի սեպտեմբերի 28-ից կամավորական հիմունքներով մասնակցել է մարտական
գործողություններին, իսկ նոյեմբերի 5-ին Շուշիի մատույցներում ստացել բեկորային վիրավորում
և տեղափոխվել բժշկական կենտրոն: Ա. Սիմոնյանը նաև հայտնել է, որ դուրս գրվելուց հետո
կրկին մեկնել է թիվ N զորամաս և մարտական դիրքում մեկ ամիս իրականացրել հերթապահություն:
Բողոք ներկայացրած անձի պնդմամբ՝
մարտական գործողություններին մասնակցելու ժամանակահատվածի համար իրեն դրամական հատուցում
չի վճարվել:
Ա. Սիմոնյանը խնդրել է Պաշտպանի
աջակցությունը մարտական գործողություններին մասնակցելու ամբողջ ժամանակահատված համար
դրամական ապահովություն ստանալու հարցում:
Բողոքում բարձրացված հարցի կապակցությամբ
Պաշտպանը գրություն է հասցեագրել Պաշտպանության նախարարություն՝ առաջարկելով ստուգել
զորահավաքային զինվորական ծառայության ամբողջ ժամանակահատվածի դիմաց
Ա. Սիմոնյանին դրամական ապահովություն տրամադրված չլինելու մասին պնդումը և միջոցներ
ձեռնարկել նրան օրենքով նախատեսված հատուցումը վճարելու ուղղությամբ:
Ի պատասխան Պաշտպանի գրության՝
Պաշտպանության նախարարությունից ստացվել է պատասխան այն մասին, որ Ա. Սիմոնյանի անվամբ
հաշվարկվել և նրա բանկային հաշվեհամարին փոխանցվել է 266.930 ՀՀ դրամ գումար:
2021 թվականի ապրիլի 22-ին Ա.
Սիմոնյանը Պաշտպանի ներկայացուցչին տեղեկացրել է, որ բացի 266.930 դրամից, իրեն վճարվել
է նաև 500.000 դրամի չափով գումար, ուստի բողոքում բարձրացված հարցն ստացել է լուծում,
և այլևս գանգատներ չունի:
«Մարդու իրավունքների պաշտպանի
մասին» ՀՀ սահմանադրական օրենքի 21-րդ հոդվածի 3-րդ մասի համաձայն՝ Պաշտպանը բողոքի
կապակցությամբ սկսված քննարկումը դադարեցնում է այն դեպքում, երբ բողոքի քննարկման
ընթացքում բարձրացված հարցն ստացել է լուծում:
English
