ՀԱՅՏԱՐԱՐՈՒԹՅՈՒՆ․ ՀՀ մարդու իրավունքների պաշտպանի աշխատակազմի Հասարակայնության հետ կապերի բաժնում փորձագետ ներգրավելու մասին

Դիմումների ընդունման վերջնաժամկետն է` 2025թ. հունվարի 21-ը ներառյալ:

ՀՀ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ ԱՇԽԱՏԱԿԱԶՄԻ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԲԱԺՆՈՒՄ ՓՈՐՁԱԳԵՏ ՆԵՐԳՐԱՎԵԼՈՒ ՄԱՍԻՆ

Հ Ա Յ Տ Ա Ր Ա Ր ՈՒ Թ Յ ՈՒ Ն

ՀՀ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ ԱՇԽԱՏԱԿԱԶՄԻ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԲԱԺՆՈՒՄ ՓՈՐՁԱԳԵՏ ՆԵՐԳՐԱՎԵԼՈՒ ՄԱՍԻՆ

1. Նախատեսված աշխատանքների համառոտ նկարագիրը.

Մարդու իրավունքների պաշտպանի աշխատակազմի հասարակայնության հետ կապերի բաժնի կողմից պատրաստվող հրապարակումների թարգմանություն (հայերենից-անգլերեն), մարդու իրավունքների պաշտպանի պաշտոնական հարթակներում զետեղված և դեռևս չթարգմանված նյութերի թարգմանություն․

2. Փորձագետ ներգրավելու ժամկետը.

Փորձագետը ներգրավվում է մինչև 2025 թվականի ապրիլի 30-ը:

3. Փորձագետի պարտականությունները՝

1. բաժնի կողմից պատրաստվող հրապարակումների թարգմանություն (հայերենից-անգլերեն)․

2. Մարդու իրավունքների պաշտպանի պաշտոնական հարթակներում զետեղված և դեռևս չթարգմանված նյութերի թարգմանություն․

3. բաժնի պատասխանատուի կողմից տրվող թարգմանչական այլ հանձնարարությունների կատարում․

4. ըստ անհրաժեշտության փաստաթղթերի, ուղեցույցների և զեկույցների թարգմանություն: Պաշտպանի տարեկան հաղորդման, ինչպես նաև արտահերթ հրապարակային զեկույցների կամ հաղորդումների նախագծերի մշակման աշխատանքներին մասնակցություն․

5. սահմանված ժամկետներում փորձագետի աշխատանքների ծրագրով նախատեսված հաշվետվությունների, վերլուծությունների ու տեղեկանքների ներկայացում․

6. սահմանված ներքին կարգապահական կանոնների, աշխատանքային կարգապահության պահպանում.

7. ՀՀ աշխատանքային օրենսդրությամբ, Հանրային ծառայության մասին ՀՀ օրենքով և պայմանագրով իրեն վերապահված այլ պարտականությունների կատարում:7) սահմանված ներքին կարգապահական կանոնների, աշխատանքային կարգապահության պահպանում.

8. ՀՀ աշխատանքային օրենսդրությամբ, Հանրային ծառայության մասին ՀՀ օրենքով և աշխատանքային պայմանագրով իրեն վերապահված այլ պարտականությունների կատարում:

4. Փորձագետին ներկայացվող պահանջները՝

1) բարձրագույն կրթություն՝ թարգմանչական գործ մասնագիտությամբ ․

2) գործառույթների իրականացման համար անհրաժեշտ գիտելիքներ.

3) ոլորտը կարգավորող օրենսդրության և իր աշխատանքի բնույթի հետ կապված նորմատիվ իրավական ակտերի իմացություն, ինչպես նաև տրամաբանելու, տարբեր իրավիճակներում կողմնորոշվելու ունակություն.

4) իր լիազորությունների հետ կապված համակարգչով և ժամանակակից տեխնիկական միջոցներով աշխատելու ունակություն.

5) անհրաժեշտ տեղեկատվության տիրապետում.

6) ժամանակի կառավարման հմտություններ և ճշտապահություն.

7) սեղմ ժամկետներում հանձնարարություններ կատարելու ունակություն.

8) հայերեն և անգլերեն լեզուների գերազանց տիրապետում, այլ լեզուների իմացությունը կդիտարկվի որպես առավելություն։

5. Դիմումների ներկայացման վերջնաժամկետը.

Դիմումների ընդունման վերջնաժամկետն է` 2025թ. հունվարի 21-ը ներառյալ:

6. Աշխատանքի վայրը, հեռախոսահամարը և էլեկտրոնային փոստի հասցեն.

հասցե՝ Հայաստան, Երևան 0002, Պուշկինի 56ա, հեռ.՝ (+374 10) 53-02-62, էլ. փոստ՝ ombuds@ombuds.am,

7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարգապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» Հայաստանի Հանրապետության օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում:

8. Հավակնորդներից ընտրություն կատարելու եղանակը.

Փաստաթղթերը ներկայացնելու ժամկետի ավարտից հետո երեք աշխատանքային օրվա ընթացքում կատարվում է ընտրություն և առաջարկվում է կնքել պայմանագիր: Ընտրություն կատարվելու է դիմում ներկայացրած քաղաքացիների փաստաթղթերի ուսումնասիրության և ըստ անհրաժեշտության նաև հարցազրույցի արդյունքում: Եթե հավակնորդը պայմանագիր կնքելու առաջարկությունը ստանալուց հետո մեկ աշխատանքային օրվա ընթացքում չի կնքում կամ հրաժարվում է կնքել պայմանագիր, ապա մեկ աշխատանքային օրվա ընթացքում նման առաջարկությամբ դիմում է ներկայացվելու փորձագետ ներգրավելու համար դիմած այլ հավակնորդների:

9. Անհրաժեշտ փաստաթղթերի ցանկը.

1) դիմում (դիմումի ձևը կցվում է).

2) ինքնակենսագրական.

3) մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմ(ների), վկայականի(ների) պատճենները, աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք համապատասխան մարմնից) հաստատված պատճենները.

4) արական սեռի անձինք՝ նաև զինվորական գրքույկի կամ դրան փոխարինող ժամանակավոր՝ զորակոչային տեղամասին կցագրման վկայականի պատճենը կամ համապատասխան տեղեկանք,

5) մեկ լուսանկար՝ 3 x 4սմ չափսի,

6) անձնագրի և հանրային ծառայության համարանիշի (սոցիալական քարտի) կամ նույնականացման քարտի պատճենները:

Քաղաքացին դիմումը և փաստաթղթերը ներկայացնում է անձամբ կամ Մարդու իրավունքների պաշտպանի աշխատակազմի պաշտոնական ombuds@ombuds.am էլեկտրոնային փոստի միջոցով: Եթե քաղաքացին դիմումը և փաստաթղթերը ներկայացնում է անձամբ, ապա անմիջապես ստանում է համապատասխան հավաստում փաստաթղթերը ներկայացված լինելու վերաբերյալ, իսկ էլեկտրոնային փոստի միջոցով ուղարկելու դեպքում համապատասխան հավաստումը ստանում է մեկ աշխատանքային օրվա ընթացքում:

Լրացուցիչ տեղեկությունների համար դիմել ՀՀ մարդու իրավունքների պաշտպանի աշխատակազմի քարտուղարության վերահսկողական և անձնակազմի կառավարման բաժին (ք. Երևան, Կենտրոն վարչական շրջան, Պուշկինի 56ա, հեռ.` 010-53-94-48):

ՀՀ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆ

ՏԻԿԻՆ ԱՆԱՀԻՏ ՄԱՆԱՍՅԱՆԻՆ

քաղաքացի ---------------------------------------------------ից

(անունը, ազգանունը)

---------------------------------- հեռախոսահամարը

------------------------------------ էլեկտրոնային հասցեն

Դ Ի Մ ՈՒ Մ

Ծանոթանալով հայտարարությանը՝ ներկայացնում եմ որպես փորձագետ ներգրավվելու համար անհրաժեշտ փաստաթղթերի պատճենները`

1. Անձնագրի (ՀԾ համարանիշ) ____________________________________ էջ.

2. Դիպլոմի (դիպլոմների) _________________________________________ էջ.

3. Աշխատանքային գործունեությունը հավաստող փաստաթղթի ________ էջ.

4. Զինվորական գրքույկի (առկայության դեպքում) _____________________էջ.

5. Այլ ____________________________________________________________ էջ:

Առդիր ----- էջ:

------------------------------------------------------------------

(ստորագրությունը, անունը, ազգանունը)

___________________________________

(դիմումը ներկայացնելու ամսաթիվը)

Նախազգուշացված եմ փորձագետի պաշտոնում նշանակվելու դեպքում կեղծ տվյալներ և փաստաթղթեր ներկայացնելու համար զբաղեցրած պաշտոնից ազատվելու և սահմանված կարգով պատասխանատվության ենթարկվելու մասին:

ՀԱՅՏԱՐԱՐՈՒԹՅՈՒՆ. Մարդու իրավունքների պաշտպանի աշխատակազմում Երեխաների իրավունքների պաշտպանության բաժնի ավագ մասնագետի թափուր պաշտոնը զբաղեցնելու համար

6. Մրցույթին մասնակցելու համար դիմումներն ընդունվում են 2025 թվականի հունվարի 25-ը ներառյալ՝ քսանչորսժամյա ռեժիմով:

ՀԱՅՏԱՐԱՐՈՒԹՅՈՒՆ

Հայաստանի Հանրապետության մարդու իրավունքների պաշտպանի աշխատակազմը (այսուհետ` Պաշտպանի աշխատակազմ) հայտարարում է արտաքին մրցույթ Պաշտպանի աշխատակազմում քաղաքացիական ծառայության թափուր պաշտոն զբաղեցնելու համար

Հայաստանի Հանրապետության մարդու իրավունքների պաշտպանի աշխատակազմը հայտարարում է արտաքին մրցույթ Պաշտպանի աշխատակազմի կոնվենցիոն մանդատների ապահովման վարչության երեխաների իրավունքների պաշտպանության բաժնի ավագ մասնագետի (05-8.5.Ա-Մ3-1) քաղաքացիական ծառայության թափուր պաշտոնը զբաղեցնելու համար:

Պաշտպանի աշխատակազմի կոնվենցիոն մանդատների ապահովման վարչության երեխաների իրավունքների պաշտպանության բաժնի ավագ մասնագետի (05-8.5.Ա-Մ3-1) պաշտոնի բնութագրի, պաշտոնն զբաղեցնող պետական ծառայողի համար սահմանված գործառույթների, իրավունքների, պարտականությունների, պաշտոնին ներկայացվող պահանջների՝ պաշտոնի համար պահանջվող կրթության, աշխատանքային ստաժի, աշխատանքի բնագավառում փորձի, մասնագիտական գիտելիքների, կոմպետենցիաների, ինչպես նաև պաշտոնի կազմակերպման լիազորությունների և ղեկավարման շրջանակների մասին տեղեկատվությունը ներառված է պաշտոնի անձնագրում:

https://hartak.cso.gov.am/user/positions/106480/details

1. Նշված թափուր պաշտոնը զբաղեցնելու համար պահանջվում է`

1) Բարձրագույն կրթություն իրավագիտություն /042101.00.6 կամ 042101.00.7/ մասնագիտությամբ։

2) Հանրային ծառայության առնվազն մեկ տարվա ստաժ կամ մեկ տարվա մասնագիտական աշխատանքային ստաժ կամ իրավունքի բնագավառում` մեկ տարվա աշխատանքային ստաժ:

1.1. Նշված թափուր պաշտոնը զբաղեցնելու համար հայտարարված արտաքին մրցույթին կարող են մասնակցել Հայաստանի Հանրապետության քաղաքացիները:

2. Քաղաքացիական ծառայության թափուր պաշտոնն զբաղեցնելու համար անցկացվող մրցույթին մասնակցելու համար քաղաքացին փաստաթղթերը ներկայացնում է էլեկտրոնային տարբերակով՝ քաղաքացիական ծառայության տեղեկատվական հարթակում առցանց լրացնելով դիմումը և լրացված դիմումին կցելով անհրաժեշտ փաստաթղթերի լուսապատճեններն ու լուսանկարը:

3. Անհրաժեշտ է ներկայացնել հետևյալ փաստաթղթերը`

1) դիմում (առցանց).

2) անձնագրի, սոցիալական քարտի և/կամ նույնականացման քարտի լուսապատճենները.

(եթե անձը նույնականացման կամ սոցիալական քարտ չի ներկայացնում, ապա անհրաժեշտ է ներկայացնել անձին հանրային ծառայության համարանիշ տրամադրելու մասին տեղեկանքի կամ հանրային ծառայության համարանիշի տրամադրումից հրաժարվելու մասին տեղեկանքի լուսապատճենները).

3) բարձրագույն կրթությունը հավաստող փաստաթղթի լուսապատճենը.

4) աշխատանքային գործունեությունը հավաստող փաստաթղթի լուսապատճենը (էջերի ճշգրիտ հերթականությամբ).

5) արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասային կցագրման վկայականի լուսապատճենը՝ բնօրինակի հետ միասին.

6) լուսանկար` 3×4 սմ չափի.

ՓԱՍՏԱԹՂԹԵՐՆ ԱՌՑԱՆՑ ՆԵՐԿԱՅԱՑՆԵԼՈՒ ԸՆԹԱՑԱԿԱՐԳ

4. Մրցույթին մասնակցելու համար դիմումները ներկայացվում են առցանց՝ https://cso.gov.am/internal-external-competitions հղումով: Ծանոթանալով թեստավորման մասին հրապարակված հայտարարության բովանդակությանը՝ քաղաքացին կարող է հայտարարության տեքստի վերջում նշված «Դիմել» ստեղնի օգնությամբ ներկայացնել էլեկտրոնային դիմում:

Սեղմելով «Դիմել» ստեղնը՝ բացվում է «Մուտք» պատուհանը, որտեղ անհրաժեշտ է լրացնել վավեր էլեկտրոնային փոստի հասցե, գաղտնաբառ և սեղմել «Գրանցվել» կոճակը, եթե առաջին անգամ է դիմում ներկայացվում վերոնշյալ կայքէջի միջոցով, իսկ եթե արդեն գրանցված է, անհրաժեշտ է սեղմել «Մուտք» կոճակը: Հաջորդ քայլով անհրաժեշտ է բացված պատուհանի վերևի աջ անկյունում՝ «Իմ էջը» բաժնում («Ծանուցումներ» զանգակ նշանի տեսքով է) բաժնի կողքը), լրացնել անձնական տվյալները և «Կրթություն», Օտար լեզուներ» Համակարգչային ծրագրեր» բաժինները, պարտադիր լրացման ենթակա բոլոր դաշտերը, կցել հայտարարության մեջ նշված անհրաժեշտ փաստաթղթերի լուսապատճենները, լուսանկարը և սեղմել «Պահպանել» կոճակը:

Մրցույթին մասնակցելու համար դիմումները ներկայացվում են քսանչորսժամյա ռեժիմով:

Լրացնելով «Իմ էջի» անձնական տվյալները, կցելով անհրաժեշտ փաստաթղթերը՝ անհրաժեշտ է արդեն իսկ գրանցված օգտատիրոջ էջում՝ «Մրցույթներ» բաժնում Հայաստանի Հանրապետության մարդու իրավունքների պաշտպանի աշխատակազմի կոնվենցիոն մանդատների ապահովման վարչության երեխաների իրավունքների պաշտպանության բաժնի ավագ մասնագետի (05-8.5.Ա-Մ3-1) քաղաքացիական ծառայության թափուր պաշտոն զբաղեցնելու համար անցկացվող թեստավորման մասին հրապարակված հայտարարությունը և «Գործողություններ» ենթաբաժնի ներքո նշված «Դիմել» կոճակով ներկայացնել դիմումը, որից անմիջապես հետո քաղաքացին ստանում է ծանուցում դիմումն ընդունվելու մասին: Ներկայացված փաստաթղթերի ուսումնասիրության արդյունքում հնարավոր է փաստաթղթերը հետ վերադարձվեն քաղաքացուն՝ խմբագրման համար: Նման դեպքում քաղաքացին պարտավոր է ծանուցումն ուղարկելուց հետո՝ 2 (երկու) աշխատանքային օրվա ընթացքում կրկին դիմել՝ վերացնելով փաստաթղերի թերություններն ու ուղղելով սխալները, որոնց մասին քաղաքացին ծանուցվում է «Իմ էջի» «Ծանուցումներ» բաժնի և էլեկտրոնային փոստի միջոցով: Փաստաթղթերի թերությունների և սխալերի մասին մեկնաբանությունը քաղաքացին կարող է տեսնել՝ բացելով «Իմ էջի» «Մրցույթներ» բաժնի համապատասխան հայտարարության հերթական համարից առաջ դրված «⊕» նշանը: Համակարգում գրանցվելուց հետո քաղաքացին իր «Անձնական էջ» կարող է մուտք գործել՝ այցելելով https://hartak.cso.gov.am/ հղումի «ԱՆՁՆԱԿԱՆ ԷՋ» բաժինը, որտեղ անհրաժեշտ է լրացնել գրանցված էլեկտրոնային փոստի հասցեն և գաղտնաբառը:

5. Դիմողը մրցույթին ներկայանում է անձնագրով կամ նույնականացման քարտով կամ անձը հաստատող այլ փաստաթղթով (զինվորական գրքույկ, ՀՀ ոստիկանության կողմից ժամանակավորապես տրվող անձը (ինքնությունը) հաստատող փաստաթուղթ):

7. Նշված թափուր պաշտոնը զբաղեցնելու համար հայտարարված մրցույթի թեստավորման փուլը կկայանա 2025 թվականի փետրվարի 21-ին, ժամը` 11:00-ին, Քաղաքացիական ծառայության գրասենյակ, ք. Երևան, Տերյան փ. 89

8. Նշված թափուր պաշտոնը զբաղեցնելու համար հայտարարված մրցույթի հարցազրույցի փուլը կկայանա 2025 թվականի փետրվարի 25-ին, ժամը` 15:00-ին, Պաշտպանի աշխատակազմի գտնվելու վայրում (ք. Երևան, Պուշկինի 56ա):

9. Հարցազրույցի փուլը կանցկացվի «հարցարան» ձևաչափով:

10. Հիմնական աշխատավարձը 221312 (երկու հարյուր քսանմեկ հազար երեք հարյուր տասներկու) ՀՀ դրամ է:

11. Նշված պաշտոնին հավակնող անձը պետք է լինի բարեկիրթ, պարտաճանաչ, հավասարակշռված, գործնական, ունենա նախաձեռնողականություն և պատասխանատվության զգացում:

12. Թեստում ընդգրկվող մասնագիտական գիտելիքների վերաբերյալ թեստային առաջադրանքները կազմված են հետևյալ բնագավառներից՝ Հայաստանի Հանրապետության Սահմանադրություն, «Մարդու իրավունքների պաշտպանի մասին» սահմանադրական oրենք, «Քաղաքացիական ծառայության մասին» օրենք,
«Հանրային ծառայության մասին» օրենք,
«Երեխայի իրավունքների մասին» ՀՀ օրենք, Ռուբինա Նազարյան «Մայրենին բոլորի համար» 2000թ., ԻՆՖՈՐՄԱՏԻԿԱ 7-ՐԴ դասարան։ Դասագիրք հանրակրթական դպրոցի համար։ Ս.Ս.Ավետիսյան, Ա.Վ.Դանիելյան։ Մասնագիտական խմբագիր՝ Ռ.Վ. Աղգաշյան։ Երևան 2012թ․, ԻՆՖՈՐՄԱՏԻԿԱ 8-րդ դասարան։ Հանրակրթական ավագ դպրոցի ընդհանուր և հումանիտար հոսքերի համար։ Ս.Ս.Ավետիսյան, Ա.Վ.Դանիելյան։ Մասնագիտական խմբագիր՝ Ռ.Վ. Աղգաշյան։ Երևան 2013թ.:

Պաշտպանի աշխատակազմի լիազորությունների հետ կապված գործող այլ օրենքների, իրավական ակտերի իմացություն:

13. Լրացուցիչ տեղեկություններ ստանալու համար կարող եք դիմել Պաշտպանի աշխատակազմի վերահսկողական և անձնակազմի կառավարման բաժին (ք. Երևան, Պուշկինի 56ա, հեռ. (+374 10- 53-94-48):

Հայաստանի Հանրապետության
Մարդու իրավունքների Պաշտպան

Հայաստանի Հանրապետության
Մարդու իրավունքների Պաշտպան

ՄԵՐ ՄԱՍԻՆ

ԿԵՆՍԱԳՐՈՒԹՅՈՒՆ

ԵԼՈՒՅԹՆԵՐ

ԿԱՌՈՒՅՑԻ ԻՐԱՎԱԿԱՆ ԱՌԱՔԵԼՈՒԹՅՈՒՆԸ

ՀԱՐՑԱԶՐՈՒՅՑՆԵՐ

ՏԵՍԱՆՅՈՒԹԵՐ

ԿԱՌՈՒՑՎԱԾՔ

ԱՇԽԱՏԱԿԻՑՆԵՐ

ԲՅՈՒՋԵ

ԳՆՈՒՄՆԵՐ

ԹԱՓՈՒՐ ԱՇԽԱՏԱՏԵՂԵՐ

ԿԱՌՈԻՅՑԻ ՊԱՏՄՈՒԹՅՈՒՆԸ

Արման Թաթոյան

Կարեն Անդրեասյան

Արմեն Հարությունյան

Լարիսա Ալավերդյան

Քրիստինե Գրիգորյան

ԱՇԽԱՏԱՆՔԻ ՈՒՂՂՈՒԹՅՈՒՆՆԵՐ

ՀԱՂՈՐԴՈՒՄՆԵՐ ԵՒ ԶԵԿՈՒՅՑՆԵՐ

ՍԴ ԴԻՄՈՒՄՆԵՐ

ՍԴ ՀԱՏՈՒԿ ԿԱՐԾԻՔՆԵՐ

ԿԱՐԾԻՔՆԵՐ ՕՐԵՆՍԴՐԱԿԱՆ ՆԱԽԱԳԾԵՐԻ ՎԵՐԱԲԵՐՅԱԼ

ՕՐԵՆՍԴՐԱԿԱՆ ԱՌԱՋԱՐԿՆԵՐ ԵՎ ԿԱՐԾԻՔՆԵՐ

ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐ

ՈՒՂԵՑՈԻՅՑ

ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ

ԱՆԴԱՄԱԿՑՈՒԹՅՈՒՆ

ԾՐԱԳՐԱՅԻՆ ՀԱՄԱԳՈՐԾԱԿՑՈՒԹՅՈՒՆ

ԴԻՄԵԼ ՊԱՇՏՊԱՆԻՆ

ՀԱՃԱԽ ՏՐՎՈՂ ՀԱՐՑԵՐ

ՀԵՏԱԴԱՐՁ ԿԱՊ

ՄԵԴԻԱԿԵՆՏՐՈՆ

ՀԱՐՑԱԶՐՈՒՅՑՆԵՐ

ՀԱՋՈՂՎԱԾ ՊԱՏՄՈՒԹՅՈՒՆՆԵՐ

ՏԵՍԱՆՅՈՒԹԵՐ

ՀԱՅՏԱՐԱՐՈՒԹՅՈՒՆ․ ՀՀ մարդու իրավունքների պաշտպանի աշխատակազմի Հասարակայնության հետ կապերի բաժնում փորձագետ ներգրավելու մասին

ՀԱՅՏԱՐԱՐՈՒԹՅՈՒՆ. Մարդու իրավունքների պաշտպանի աշխատակազմում Երեխաների իրավունքների պաշտպանության բաժնի ավագ մասնագետի թափուր պաշտոնը զբաղեցնելու համար