Սեպտեմբերի 23-ին Մարդու իրավունքների պաշտպանի հաստատությունը մասնակցել է Երևանի պետական համալսարանի կողմից կազմակերպված «ԲանՈւԳործ․ ԵՊՀ Էքսպո-2026» միջոցառմանը։

Միջոցառման շրջանակում Պաշտպանի աշխատակազմի ներկայացուցիչներն ուսանողներին և երիտասարդ մասնագետներին ներկայացրել են Մարդու իրավունքների պաշտպանի հիմնական գործառույթներն ու գործունեության առաջնահերթությունները, մարդու իրավունքների ոլորտում իրականացվող բարեփոխումները, աշխատակազմի կադրային քաղաքականությունը, աշխատանքի և մասնագիտական զարգացման հնարավորությունները։

Ներկայացվել են նաև աշխատակազմում իրականացվող կրթական և վերապատրաստման ծրագրերը, կարիերայի զարգացման և մասնագիտական կարողությունների շարունակական կատարելագործման հնարավորությունները։

«ԲանՈւԳործ․ ԵՊՀ Էքսպո-2026» միջոցառման նպատակն է ներկայացնել կրթական և աշխատանքային հնարավորությունները, նպաստել գործատուների, ուսանողների և շրջանավարտների միջև արդյունավետ համագործակցությանը, ինչպես նաև թեմատիկ քննարկումների միջոցով անդրադառնալ կրթական համակարգի և գործատուների համագործակցության ներկա վիճակին, առկա խնդիրներին և զարգացման հեռանկարներին։

Միջոցառումը հնարավորություն է տվել երիտասարդներին առավել մանրամասն ծանոթանալու Մարդու իրավունքների պաշտպանի աշխատակազմում աշխատանքի առանձնահատկություններին, մասնագիտական զարգացման և կարիերայի հնարավորություններին։

ՄԻՊ աշխատակազմում հայտարարված մրցույթներին կարելի է ծանոթանալ հետևյալ հղմամբ՝ https://www.ombuds.am/vacancies