Տառատեսակների չափսեր 1
Կայքի գույներ
Տողերի միջարածություն
Տառերի միջարածություն
Տառատեսակ
Մուտքագրեք ձեր էլ. փոստը՝ նորություններն ու թարմացումները ստանալու համար։ Սպամ չենք ուղարկում։


Մարդու իրավունքների պաշտպան Անահիտ Մանասյանը նոյեմբերի 17-ին՝ Ուսանողների միջազգային օրվա շրջանակում, հյուրընկալել է <<Խորհուրդ X>> երիտասարդական կազմակերպության անդամներին և Երևանի պետական համալսարանի իրավագիտության ֆակուլտետի ուսանողներին։
Պաշտպանը շնորհավորել է ուսանողներին՝ օրվա կապակցությամբ։
Անահիտ Մանասյանը ուսանողներին ներկայացրել է Պաշտպանի լիազորությունների շրջանակը, գործունեության հիմնական ուղղությունները և առաջնահերթությունները, ինչպես նաև անդրադարձել մարդու իրավունքների պաշտպանության ոլորտում առկա մարտահրավերներին:
Անահիտ Մանասյանն ընդգծել է, որ ՄԻՊ հաստատությունն անկախ և ապաքաղաքական կառույց է, որի առաքելությունը մարդու իրավունքների պաշտպանությունն ու խթանումն է՝ ներառյալ կրթական ոլորտում իրականացվող բարեփոխումների միջոցով։
Պաշտպանը նաև ընդգծել է, որ մարդու իրավունքների ոլորտում չափանիշները շարունակաբար զարգանում են, ուստի դրանց ուսումնասիրությունն ու դասավանդումը պետք է հիմնված լինեն ժամանակակից մոտեցումների և մարտահրավերների վերլուծության վրա։
Պաշտպանը շեշտել է, որ մարդու իրավունքները չի կարելի բաժանել կարևորների և անկարևորների կամ քաղաքականացնել դրանց պաշտպանության հարցերը՝ ընդգծելով, որ իրավական պետության և մարդու իրավունքների նկատմամբ հարգանքի առանցքային ցուցիչներից է խոցելի վիճակում գտնվող անձանց նկատմամբ վերաբերմունքն ու նրանց իրավունքների ապահովումը։
Հանդիպումն անցկացվել է հարցուպատասխանի ձևաչափով. ուսանողները բարձրաձայնել են իրենց հետաքրքրող մի շարք հարցեր՝ կապված քրեակատարողական հիմնարկներ և մարզեր այցերի, Սահմանադրական դատարան ներկայացվող դիմումների, երեխաների իրավունքների պաշտպանության, բռնության դեպքերի կանխարգելման, աշխատանքային իրավունքների պաշտպանության, իրազեկման աշխատանքների, ինչպես նաև Պաշտպանի լիազորությունների գործիքակազմի, անկախության երաշխիքների, «Օրն իրավունքների պաշտպանության առաջնագծում» նախագծի և այլ հարցերի հետ։
Հանդիպման ավարտին Անահիտ Մանասյանը շնորհակալություն է հայտնել ուսանողներին ակտիվ և բովանդակային քննարկման համար։
Մարդու իրավունքների պաշտպանի աշխատակազմում ուսանողների հետ ճանաչողական հանդիպումները կրում են շարունակական բնույթ:

Մարդու իրավունքների պաշտպան Անահիտ Մանասյանը նոյեմբերի 17-ին՝ Ուսանողների միջազգային օրվա շրջանակում, հյուրընկալել է <<Խորհուրդ X>> երիտասարդական կազմակերպության անդամներին և Երևանի պետական համալսարանի իրավագիտության ֆակուլտետի ուսանողներին։
-6afc26b99892f.webp&w=1920&q=75)
2026 թվականի նոյեմբերի 13-ին ՀՀ մարդու իրավունքների պաշտպանին առընթեր երեխաների իրավունքների պաշտպանության հարցերով հասարակական խորհրդի անդամը մասնակցել է ԱՊՀ անդամ պետությունների Երեխաների իրավունքների հանձնակատարների հանձնաժողովին կից Երեխաների խորհուրդների ներկայացուցիչների՝ «Z սերունդ. ինչպես է մեր հոգեկան առողջությունը որոշում վաղվա օրը» թեմայով կոնֆերանսին։

Վերջին շրջանում Պաշտպանին հասցեագրվող դիմում-բողոքների, թեժ գծին ստացվող զանգերի, սոցիալական ցանցերի և զանգվածային լրատվության միջոցների մշտադիտարկման, ինչպես նաև Մարդու իրավունքների պաշտպանի մարզային այցերի արդյունքները վկայում են, որ թափառող շների՝ մարդկանց, այդ թվում՝ երեխաների վրա պարբերաբար հարձակումների խնդիրն ավելի է սրվել։

Նոյեմբերի 11-ին Հայաստանի ֆրանսիական համալսարանում անցկացված Աշխատանքի տոնավաճառին մասնակցել են ՀՀ մարդու իրավունքների պաշտպանի աշխատակազմի ներկայացուցիչները։