Նոյեմբերի 10-ին Հայաստանի եվրոպական համալսարանի Իրավագիտության ֆակուլտետում տեղի ունեցավ վարպետաց դաս՝ ՀՀ մարդու իրավունքների պաշտպանի աշխատակազմի Կանխարգելման ազգային մեխանիզմի իրականացման համակարգող, Խոշտանգումների և վատ վերաբերմունքի կանխարգելման վարչության պետ Լաուրա Գասպարյանի մասնակցությամբ։

Հանդիպման ընթացքում բանախոսն անդրադարձավ ՀՀ մարդու իրավունքների պաշտպանի դերին՝ որպես խոշտանգումների և վատ վերաբերմունքի կանխարգելման ազգային մեխանիզմ, ինչպես նաև խոշտանգումների և դաժան, անմարդկային կամ արժանապատվությունը նվաստացնող վերաբերմունքի կամ պատժի այլ ձևերի կանխարգելման միջազգային և ներպետական իրավական կարգավորումներին ու չափանիշներին։

Բանախոսը թեմաները ներկայացրեց համակողմանի՝ համադրելով իրավական կարգավորումները, կանխարգելման մեխանիզմների գործնական նշանակությունը և մարդու հիմնարար իրավունքների պաշտպանության արդի մարտահրավերները։

Վարպետաց դասը նպաստեց ուսանողների մասնագիտական գիտելիքների խորացմանը և մարդու իրավունքների պաշտպանության ոլորտում տեսական ու գործնական գիտելիքների փոխկապակցմանը։