Տառատեսակների չափսեր 1
Կայքի գույներ
Տողերի միջարածություն
Տառերի միջարածություն
Տառատեսակ
Մուտքագրեք ձեր էլ. փոստը՝ նորություններն ու թարմացումները ստանալու համար։ Սպամ չենք ուղարկում։


Նոյեմբերի 17-ին Մարդու իրավունքների աշնանային դպրոցի մասնակիցները, ՀՀ մարդու իրավունքների պաշտպանի աշխատակազմի հետազոտական, փորձագիտական և կրթական կենտրոնի ղեկավար Ժաննա Հակոբյանի և կենտրոնի այլ աշխատակիցների ուղեկցությամբ, այցելել են Մրցակցության և սպառողների շահերի պաշտպանության հանձնաժողով, մասնակցել հանձնաժողովի հերթական նիստին։
Նիստի սկզբում նրանց ողջունել և Մարդու իրավունքների պաշտպանի նախաձեռնությունը կարևորել է հանձնաժողովի նախագահ Գեղամ Գևորգյանը։
Նիստի ընթացքում նա աշնանային դպրոցի մասնակիցներին նաև տեղեկություններ է ներկայացրել քննարկվող հարցերի վերաբերյալ։
Այցի շրջանակում ուսանողները հանդիպում են ունեցել նաև հանձնաժողովի անդամ Տիգրան Մարկոսյանի հետ, ով ուսանողներին ներկայացրել է հանձնաժողովի կարգավիճակը, գործունեության հիմնական ուղղությունները, գործառույթներն ու լիազորությունները։
Անդրադարձ է կատարվել սպառողների իրավունքների և շահերի պաշտպանությանն ուղղված հանձնաժողովի աշխատանքներին։
Հանդիպման ավարտին Մարդու իրավունքների աշնանային դպրոցի մասնակիցները հնարավորություն են ունեցել հարցեր ուղղելու հանձնաժողովի անդամին ու քննարկելու իրենց հետաքրքրող խնդիրները։
Մարդու իրավունքների աշնանային դպրոցի շրջանակում նախատեսված են այցելություններ տարբեր պետական մարմիններ, հանդիպումներ այդ մարմինների ղեկավարների և ներկայացուցիչների հետ։ Ծրագրի նպատակն է մասնակիցներին հնարավորություն ընձեռել խորացնելու իրենց գիտելիքները, ծանոթանալու պետական մարմինների գործունեության առանձնահատկություններին և մարդու իրավունքների պաշտպանության գործնական մեխանիզմներին։

Մարդու իրավունքների պաշտպանի աշխատակազմի կանխարգելման ազգային մեխանիզմի իրականացման համակարգող, խոշտանգումների և վատ վերաբերմունքի կանխարգելման վարչության պետ Լաուրա Գասպարյանը և ՄԻՊ աշխատակազմի կոնվենցիոն մանդատների ապահովման վարչության պետ Լիլիթ Աղաջանյանը մասնակցել են «Հոգեկան առողջությունը Հայաստանում․ դեպի իրավունքների վրա հիմնված համայնքահենք աջակցություն» խորագրով համաեվրոպական կոնֆերանսի շրջանակում կազմակերպված պանելային քննարկումներին։

Նոյեմբերի 18-ին Մարդու իրավունքների պաշտպան Անահիտ Մանասյանն ընդունել է Հայաստանի Հանրապետությունում Շվեյցարիայի Համադաշնության արտակարգ և լիազոր դեսպան Անդրեա Բարբարա Բաումանին։

Մարդու իրավունքների աշնանային դպրոցի ուսանողները ՀՀ մարդու իրավունքների պաշտպանի աշխատակազմի Հետազոտական, փորձագիտական և կրթական կենտրոնի ղեկավար Ժաննա Հակոբյանի և կենտրոնի այլ աշխատակիցների ուղեկցությամբ նոյեմբերի 16-ին հյուրընկալվել են ՀՀ բարձր տեխնոլոգիական արդյունաբերության և արհեստական բանականության նախարարությունում։

ՀՀ մարդու իրավունքների պաշտպանի աշխատակազմի կոնվենցիոն մանդատների ապահովման վարչության ներկայացուցիչները մասնակցել են Եվրոպայի խորհրդի՝ Հայաստանի համար իրականացվող գործողությունների 2023–2026 թթ. ծրագրի ներքո իրականացվող «Երեխաների իրավունքների պաշտպանությունը Հայաստանում» և «Խոսքի և մամուլի ազատության և տեղեկատվության հասանելիության խթանումը Հայաստանում» ծրագրերի շրջանակում կազմակերպված միջոցառմանը: