Սեպտեմբերի 8-ին Մարդու իրավունքների պաշտպանի օգնական Արմեն Նավասարդյանը մասնակցել է ՄԱԿ-ի Զարգացման ծրագրի (UNDP)՝ «Գենդերային հավասարության պարգևադրոշմ պետական հաստատությունների համար» (Gender Equality Seal for Public Institutions) նախաձեռնության և EQUANOMICS-ի շրջանակում կազմակերպված առցանց քննարկմանը։

Քննարկումը նվիրված էր հարկային վարչարարության համակարգում գենդերային հավասարության խթանմանը, ինչպես նաև ծառայությունների մատուցման և ինստիտուցիոնալ արդյունավետության բարձրացմանը։

Մասնավորապես, անդրադարձ է կատարվել հարկ վճարողներին մատուցվող ծառայություններում, աշխատանքային գործընթացներում, տվյալների համակարգերում և ինստիտուցիոնալ կառավարման ոլորտում գենդերազգայուն մոտեցումների ինտեգրման գործնական հնարավորություններին։

Միջազգային փորձագետներն ու տարբեր երկրների պետական հաստատությունների ներկայացուցիչները ներկայացրել են գենդերային հավասարության ապահովմանն ուղղված իրենց փորձը, կիրառվող մեխանիզմներն ու գործնական մոտեցումները։

Քննարկման շրջանակում ներկայացվել է նաև տարբեր երկրների փորձը՝ գենդերային հավասարության մեխանիզմները պետական հաստատությունների գործունեության մեջ ներդնելու ուղղությամբ։