Այցելություններ
Այցելություն ՀՀ Ոստիկանության Սյունիքի մարզային վարչության, Մեղրիի ոստիկանության բաժին
12/27/07
Պաշտպանի հաստատության մատչելիությունը հեռավոր մարզերում ապահովելու նպատակով, սույն թվականի դեկտեմբերի 25-ին, ՀՀ Մարդու իրավունքների Պաշտպանի ներկայացուցիչները այցելեցին Սյունիքի մարզ, Մեղրիի ոստիկանության բաժին առկա խնդիրներին ծանոթանալու, ինչպես նաև ձեռբակալված անձանց պահման պայմաններն ուսումնասիրելու նպատակով:
Աշխատանքային խմբի այցելության պահին ՁՊՎ-ում ձերբակալված և կալանավորված անձ չկար: Ուսումնասիրվեց ՁՊՎ-ի տեղաշարժի մատյանը, որը լրացված էր համապատասխան գրառումներով: ՁՊՎ-ն ջեռուցվում էր, ընդհանուր իրավիճակը բարվոք:
Պաշտպանի աշխատակիցները հանդիպեցին ոստիկանության օպերատիվ գծով տեղակալ Հ. Խաչատրյանի հետ: Վերջինս ներկայացրեց Մեղրիի հանցավորության դեմ պայքարի ընդհանուր իրավիճակը, ինչպես նաև նշեց, որ կատարված հանցագործությունները ըստ բնույթի և ըստ վտանգավորության աստիճանի հիմնականում ոչ մեծ ծանրության և միջին ծանրության հանցագործություններն են:
Զրույցի ընթացքում պարզվեց նաև, որ ոստիկանությունը ուներ սպայական կազմի թափուր աշխատատեղեր:
